“
People Systems Real Change
Dr. Hanan Elkhodary
“
People Systems Real Change
Dr. Hanan Elkhodary
عن د. حنان الخضري
رحلة حقيقية .. وقصة تصنع الفرق
بدأت رحلتي صيدلانية… وكنت شاطرة فعلاً في شغلي، لدرجة إني من 2009 كان بيتم الاعتماد عليا في تأسيس وتشغيل الفروع الجديدة من الصفر.
بس حصلت لحظة فارقة في 2013، لما بقيت صيدلي أول ومسؤولة عن الصيدلية بإدارتها وفريقها كامل.
أكمل القرأة
ساعتها حسيت بحاجة غريبة… مكاني الحقيقي مش في تحضير الروشتة، مكاني الحقيقي في إدارة الناس اللي بتحضرها.
القرار ده اتأكد أكتر لما اخدت خطوة كانت صعبة على أي حد وقتها: إني أسيب استقرار الحكومة وأتجه للقطاع الخاص في 2016.
كان هدفي واحد بس: أكبر، أترقى، أبقى المديرة اللي بتحقق نتائج — وفي نفس الوقت بتكسب فريقها وثقة إدارتها.
وفعلاً… اترقيت لمديرة منطقة لخمس فروع، وبعدها سبع فروع، وبعدين اتنقلت لشركة أكبر، وخلال سنة واحدة بس اترقيت لمديرة تشغيل، وبعدها مديرة تشغيل وبيع.
من برّه، ده كان يبان “نجاح”. من جوّه، كنت بدفع التمن.
سنتين، تلاتة، وأنا باخد من وقت أهم حاجة في حياتي — استمتاعي بحياتي، بيتي، وجودي مع زوجي و ولادي — عشان أوصل لمكان “النجاح” اللي كل الناس بتقولك إنه لازم تدفع فيه التمن ده.
وفي لحظة… وقفت.
مكنتش عايزة أسيب الطموح، بس كنت عايزة طريق تاني يوصلني لنفس التميز والنجاح، لكن وأنا مستمتعة بخطواتي، وقادرة أعيش حياتي، والاهم أركز مع ولادي وبيتي في نفس الوقت.
الرحلة دي أخدت مني خمس سنين من البحث، والقراءة، والتعلم المستمر — واخدت MBA — في الطريق لحد ما وصلت للسر اللي كنت بدور عليه.
السر ده بقى النهاردة طريقتي الخاصة في الإدارة، واللي عليها قايم كل برنامج تدريبي، كل ورشة عمل، وكل جلسة 1:1 بقدمها وهو :Operate Inside Out Method : مش بس أسلوب تدريب… ده طريق عشته بنفسي، قبل ما أعلّمه لأي حد.
