قصتي مع التواصل… وإزاي كل اللي كنت فاكرة إنه صح طلع غلط

أنا فضلت أول أربع سنين من إدارتي متخيلة إني بتواصل كويس.

 الستاف كان بيسمع وبيـنفّذ التوجيهات، ومديري نفسه كان دايمًا يقول عني مجتهدة وشاطرة. 

من برّه كل حاجة كانت باينة إنها ماشية صح، لكن الحقيقة إن اللي ماكانش باين إن أنا اللي كنت مرهقة. 

التواصل كان بيتم، بس بسحب وقت وطاقة غير طبيعية، وبييجي على نفسيتي لحد ما في آخر اليوم طاقتي بتبقى صفر.

 مش علشان الشغل نفسه، لكن علشان طول اليوم تقريبًا بتكلم:

 بتكلم مع كل واحد، أشرح وأفهم وأبعت وأرد وأعيد.

 وبرغم كل ده، كنت في الآخر أسمع جُمل زي: «معلش ما فهمناش صح» أو «ما أخدتش بالي من التفاصيل دي» أو «هو ده اللي كان مطلوب؟». 

مع الوقت وتحديدا لما الإرهاق وصل لقمته، وقفت مع نفسي بجد وقررت أراجع أسلوبي في التواصل.

 واللي اكتشفته إني كنت غرقانة في أحكام جاهزة: ده مدير مش بيفهم، ده موظف كسلان، مفيش فايدة… وأحكام تانية كتير،

 ومعاها برمجات تلقائية كانت بتخليني أدخل أي تواصل بتفسير مسبق ونيّة مسبقة، وده كان بيأثر على كفاءة الكلام كله حتى لو الكلام نفسه صح. 

في نفس الوقت، ماكنتش مهتمة بلغة الجسد خالص، ولما بدأت أشتغل عليها بوعي كانت زي السحر؛ اختصرت عليّ وقت ومجهود وبنت حضوري بشكل مؤثر من غير شرح زيادة ولا استنزاف.

واخيرا  بعد تلات سنين من البحث والمراقبة والدراسة التى لا تنتهي طبعا والتجربة وصلت لمعادلة التواصل الفعّال، معادلة ما لقيتهاش متجمعة بالشكل ده في أي كتاب ولا أي كورس، لأن أغلب المحتوى بيركّز على المهارات التقنية: 

إزاي تتكلم، إزاي ترد، إزاي تعرض فكرتك، لكن قليل جدًا اللي بيهتم بتجهيزك نفسيًا للتواصل، وبيكسر البرمجات والأحكام والنيّة اللي بتدخل بيها أي حوار، واللي ممكن تعطل تطبيق كل المهارات وإنت مش فاهم السبب، وتخرج في الآخر متضايق وتسأل نفسك: 

بعد كل الشرح ده… ليه برده متفهمتش صح؟

 بعد كل السنين دي، جمعتلك الجزء النفسي مع التقني والعملي هنا في برنامج التواصل الفعّال.

 أهلاً بيك في قصر التواصل، أيها المدير المميز.